JIZZAXDA NAVRO' SHUKUHI

Shahardagi "O`rda" ekologik madaniyat va istirohat bog`ida Navro`z umumxalq bayrami munosabati bilan "Qadriyatlaring boqiy bo`lsin, Navro`z!" shiori ostida konsert dasturi bo`lib o`tdi.

Bayram tadbiri avvalida Jizzax viloyati hokimi vazifasini bajaruvchi Ulug`bek Mustafoyev ommaviy axborot vositalari vakillari bilan uchrashdi va ijtimoiy-iqtisodiy, ma'naviy-ma'rifiy sohalarda viloyatimizda amalga oshirilayotgan islohotlar jarayoni haqida atroflicha ma'lumot berdi. 

Shundan so`ng bayramning asosiy tan-tanalari boshlandi. Viloyatning folklor-etnog-rafik xalq ansambllari tomonidan an'anaviy kuy-qo`shiqlar, xalq og`zaki ijodining betak-ror namunalari ijro etildi. Sahnada o`tmish va bugun uyg`unlashib, qadimiy navolar Jizzax osmonida yana bir bor jarangladi. Poytaxtdan kelgan san'atkorlar — Jenisbek Piyazov, Malika Egamberdiyeva, O`lmas Ollo-berganov, Ozoda Nursaidovalarning chiqishlari ommaviy raqslarga ulanib ketdi. Ayniqsa, bolalar jamoalar tomonidan ijro etilgan kuy-qo`shiqlar tomoshabinlarga olam-olam quvonch hadya etdi.

Shu kuni "O`rda" ekologik bog`ida Navro`z bayrami kechgacha davom etdi. Shodiyona ruhda o`tgan tantanali tadbirda xalqimizning boy madaniy merosi va qadriyatlari yana bir bor namoyon bo`ldi.

(“Jizzax ovozi”)

B. Qudratov, J. Yorbekov olgan suratlar