JIZZAX SHAHAR HOKIMI KOMIL XOLMURODOVNING YANGI YIL MUNOSABATI BILAN BAYRAM TABRIGI

Hurmatli yurtdoshlar!

Siz azizlarni, jonajon diyorimizga kirib kelgan Yangi yil bayrami bilan Jizzax shahar hokimligi nomidan muborakbod etaman. Shunday shukuhli kunlarda barchangizga oilaviy baxt va sog‘lik-salomatlik tilayman. Xonadoningizni fayzu baraka, dasturxoningizni to‘kin-sochinlik hech qachon tark etmasin!

2024-yil shahrimizda ulkan ijobiy o‘zgarishlar amalga oshirildi. Kirib kelgan 2025-yilda ham mazkur ishlar bardavomlik kasb etib, aholi turmush farovonligini ta`minlashiga tilakdoshman. Mazkur jarayonda shahrimiz ravnaqi uchun fidoyilik bilan mehnat qilib kelayotgan barcha soha vakillariga sharafli ishlarida zafarlar tilayman!

Qadrdon hamshaharlar!

Yangi 2025-yilda xalqimizning barcha orzu-niyatlari ushalsin!

Qalbingizdan quvonch, dasturxoningizdan qut-baraka, oilangizdan shodu-xurramlik arimasin!

Go‘zal va betakror yurtimiz tinch-osoyishta, olijanob, bag‘rikeng xalqimiz hamisha omon bo‘lsin!

2025-yilning qadami qutlug‘ kelsin!

Yangi yil barchamizga muborak bo‘lsin!