YURT POSBONLARI

Jizzaxda o‘quvchi yoshlar o‘rtasida “Yurt posbonlari” harbiy-sport musobaqalarining viloyat bosqichi o‘tkazildi.

Yoshlar o‘rtasida ommaviy sport o‘yinlarini rivojlantirish, jinoyatchilikning oldini olish va bo‘sh vaqtlarini mazmunli o‘tkazish   maqsadida Markaziy harbiy okrug qo‘mondonligi, O‘zbekiston yoshlar ittifoqi viloyat Kengashi, Mudofaa ishlari boshqarmasi, Jizzax garnizonidagi harbiy qismlar, viloyat maktabgacha va maktab ta’limi boshqarmasi bilan hamkorlikda umumiy o‘rta ta’lim maktablarining 10-11-sinflarida tahsil olayotgan o‘quvchilar o‘rtasida okrug qo‘shinlari qo‘mondoni kubogi uchun “Yurt posbonlari” harbiy-sport musobaqalarining viloyat bosqichi o‘tkazildi.

Tuman va shahar bosqichlarida g‘oliblikni qo‘lga kiritib viloyat bosqichiga yo’l olgan 13 ta jamoa 130 nafar ishtirokchilar nizomda belgilangan 5 ta shart bo‘yicha  "Mohir mergan", "Harbiylashtirilgan estafeta", "Sahnalashtirilgan badiiy chiqish", "Jadidlar bilimdoni" va "Jabrlanuvchiga birinchi tibbiy yordam ko'rsatish" shartlari bo‘yicha o‘zaro bellashdilar.

Musobaqada faol qatnashib yuqori natijalarni qo‘lga kiritgan jamoalar okrug qo‘shinlari qo‘mondonining kubogi, O‘zbekiston yoshlar ittifoqi va Mudofaa ishlari boshqarmasining diplom, medal va esdalik sovg‘alari bilan taqdirlandilar.