600 O‘RINLI YANGI TALABALAR TURAR JOYI

Yoshlarni oliy ta’limga qamrab olish ko‘rsatkichi oshishi bilan bir qatorda yotoqxonalarga bo‘lgan ehtiyoj ham ortib bormoqda. Jizzax davlat  pedagogika universitetida 600 o‘ringa mo‘ljallangan yangi 4-talabalar turar joyi foydalanishga topshirilganligi talabalarning og‘irini yengil qildi. 

- Bugunga kelib universitet tasarrufidagi talabalar turar joylari soni 3 taga yetdi, - deydi universitet axborot xizmati rahbari Gulchehra Sharipova. - Yangi   barpo etilgan 4-talabalar turar joyining binosi yetti qavatdan iborat bo‘lib, unda oshxona, yangi darsliklar, badiiy-ilmiy va ma’rifiy adabiyotlar bilan boyitilgan ma’naviyat xonasi, axborot kommunikatsiya texnologiyalari bo‘yicha bilimlarni oshirish  uchun eng zamonaviy turdagi kompyuter xonalari mavjud.